Cenazayê ke Goristanê Garzanî ra ameybî remnayene û Kîlyos de goristanê bêkesan de kişta rayîrî de ameybî definkerdene, nêdîyenê keyeyanê înan. Keyeyan vat hukmat travmaya komelî ra berpirsîyar o.
16ê kamûna 2017î taxa Oleka Jore ya Bedlîsî de Goristanê Garzanî amebi rijnayene û tira 282 cenazayê gerîlayan ameybî remnayene. 2018 de eşkera bi ke cenazayî Dezgehê Tipê Edlîyî yê Îstanbulî de yê. Cenazayî dima goristanê bêkesan ê Kîlyosî de kişta rayîrî û mîyanê kutuyan ê plastîkan de ameyî definkerdene. Keyeyan seba ke cenazayanê xo bigêrê numûneyê gonîye dayî la 3 serran ra nata xeylêk keyeyî nêeşkayî cenazayanê xo bigêrê.
ANYAKAY-DERî bi wesîleya serrgêra hîrêne kombîyayîşê çapemenîye kerde. Eşkerayîye de ame vatene ke hêrişê vera Goristanê Garzanî bi destê dewlete ame kerdene û bale ameye serê antene ke bi qedîyayîşê deme haştîye no hêriş ame kerdene. Hêrişê vera goristanî sey sûcî ame name kerdene û ame vatene ke şeran de zî canazeyî goreyê rituelanê dînî yenê definkerdene la seba ke huqûq ameyo binpaykerdene bawerîyê ma zî çîn hesibyenê. Bale ameye serê antene ke şexê Goristanê Garzanî de komelî rê travma dîyena ciwîyayenê û ame ame vatene ke berpirsîyarê nayî hukmat o. Eşkerayîye de ame waştene ke merdeyanê kurdan ra zî tersenê û ame waştene ke wa cenazayî bêrê teslîm kerdene û verê rayapêroyîye keyeyan ra ozr bêro waştene.
