Goristanê Xerzanî yê erdê Oleka Jor Bedlîsî de 19'ê Kanûne 2017 de 267 cenazeyî ameybî vetene û amebî berdene Dezgehê Tipa Edlî yê Stenbolî. Têna 5 cenazeyî teslîmê keyeyanê înan bîyî.

11 cenazeyî zî dimayê kontrolkerdişê DNA'yan do teslîmê keyeyan biameyêne kerdene. La 11 cenazeyê ke karê înan ê DNA  ameyî kerdene zî tede, 262 cenazeyî Adara 2010 de Goristanê Bêkesan ê Kîlyosî yê Sariyerî de ameyî definkerdene. Ame zanayene ke numûneyê DNA  ameyî girewtene û numreyî ameyê înan dayene.

Keyeyanê ke DNA yê înan sey ci vejîyayê, do eşkayêne cenazeyanê xo Goristanê Bêkesan ê Kîlyosî ra bigêrê û keyeyê bînî zî eşkenê seba DNA muracat bikê. Eke DNA sey ci bivejîyê keyeyî do bieşkê cenazeyanê xo goristanê bêkesan ra bigêrê. Eke seba DNA muracatêk nêro kerdene, cenazeyî do Goristanê Bêkesan ê Kîlyosî de bimanê.