Çalakîya roniştişî ya ke semedê azadîya Rayberê Şarê Kurdî Abdullah Ocalanî çarçewa Hemleya 'Tecrîd, faşîzm û îşxalî rê bes o; wext wextê azadîye yo' de verê Ofîsê Neteweyanê Yewbîyayeyan (NY) yê Cenevre de 25ê çeleyî de ameye destpêkerdene, dewam kena.

Çalakîya nê heweteyî de şexsê şehîdan Umut Çimen (Muhammed İsmail), Berçeme Amîgra (Yagmur Yucedag) û Cuma Çekdar (Halil Taş)  ê ke 2017 de Dêrsim d şehîd bîyî rêz ame girewtene. Çalakwanan peyê xo kerd YNyî û pê sloganna bêvengîya înan şermezar kerd. Dima ra Hemserekê Merkezê Komelê Demokratîkî yê Kurdan ê Cenevre Salîh Saglamî derheqê rojdemî de qisey kerd. Saglamî ard ziwan ke cehd kenê ke vengê xo bidê eşnatene û vat heta serkewtişî do têkoşînê înan dewam bikero.