Vervatoxê Partîya Komuneran a Şorişgêre (DKP) Ekrem Demîrcîyî endama Komîteya Merkezî ya DKPyî Cerene Guneş (Ozge Aydin) yad kerde ke 3ê teşrîna peyêne ya 2019î de hêrişê dewleta tirke yê vera Serêkanîye de şehîd bîye.

Demîrcîyî îfade kerd ke Guneşe şorişgêranê enternasyonalîstan ê Şorişê Rojawanî ra yew bîye û erjêka Têgêrayîşê Şorişgêrî yê Tirkîya bîye. Demîrcîyî pare kerd ke Guneşe çeka xo girewte û dekewte cepheyê xoverdayîşî.

Demîrcîyî ard ziwan ke Guneşe cuya metropolan red kerde û bîye meşaleya azadîya cinîyan a Tirkîya ya, şerwan, milîtan, û fermandara cinîyan. Demîrcîyî da zanayene ke ê do tim Guneşe yad bikerê.