Cergêka DAÎŞî do Almanya de sûcanê vera êzidîyan ra bêra hukmkerdene. Goreyê eşkerayîya Serdozgerîya Federale ya Karlsruhe Nurtene J.ya ke serra 2015î de şîya Sûrîye, tewrê DAÎŞî bîye û vera êzidîyan xeylêk sûcî kerdî. Derheqê Nurtene J. de dewa ameye akerdene.

Goreyê dozgerîye sûcdare Nurtene J. wayîra îdeolojîya DAÎŞî ya û goreyê aye 'kolekerdişê kurdan ê êzidîyan heqê ci yo.' Dozgerîye pare kerd ke serranê 2016-2017î de Nurtene J. tewr tay yew cinîya êzidî sey kole şuxilnaye.

Eşkerayîye de ame vatene ke Nurtene J. 'îdarekarêkê payeberzî yê DAÎŞî' reyde zewijîyaye û menga temmuze de Tirkîya ra ameye sînorkerdene.

Almanya de wird cergê DAÎŞî Taha El Cumalî û cinîya ci Jennifere Wenish sûcê vera êzidîyan ra yenê hukmkerdene.