Merdimê Karî Osman Kavala û 16ê pawitoxê heqan ê ke  rîyê protestoyanê Parka Gezî ra yenê muhkamemerdene dewaya înan a qerarî ewro Mehkemeya Cezaya Girane ya 13. ya Çaglayanê Îstanbulî de ameye kerdene.

Kavalayo ke tepişte yeno muhakemekerdene Zîndanê Silivri ra bi sîstemê SEGBÎSî tewrê mehkeme bi. Mucella Yapici, Can Atalay, Çîgdem Mater, Mîne Ozeden û Tayfun Kahraman ê ke yenê muhakeme kerdene ê zî mehkeme de hazir bî. Kavalayo ke heqê qala peyêne dîyaye ci muhakemekerdiş sey çalakîya sûîqestî name kerd.

Mehkeme dima ra qerarê xo eşkera kerd. Cezaya muebetê giranî dîyaye Kavalayî. Derheqê nameyanê bînan de zî cezaya 18 serran ameye dayene û qerarê tepiştişî ame girewtene. Badê eşkerakerdişê qerarî salone ra sloganê ''Her ca Taksim her ca têkoşîn'' bîyî berz. Kesê ke derheqê înan de qerarê tepiştişî ame girewtene hetê polîsan ra ameyî destbendkerdene.