Avûkate Nurcan Kaya ya ke rîyê parekerdişê medyaya dîjîtale ra amêyene muhakemekerdene,cezaya 1 serre  û 3 mengan dîyaye ci.

Avûkatê Nurcan Kaya seba ke mabênê serranê 2014-2020 twîtî eştî bi îdîaya ''propagandaya rêxistêne'' ameyêne muhakemekerdene. Roniştişê dewaya ci yê qerarî ewro Mehkemeya  Cezaya Giran a 9. ya Amedî de ameye kerdene. Kaya pîya bi avûkatanê xo Veysel Ok, Mehmet Emîn Aktar û Serekê Baroyê Amedî Nîhat Erenî tewrê roniştişî bîye.

Kaya vat seba ke aye polîtîkayê îqîtîdarî rexne kerdî, tay cayan de qerar ameyo girewtene ke pê cezadayîş a bêro bêvengkerdene. Kaya no sey tacizkerdişî name kerd û vat:  ''Ez xo bawer nêkena ke meseleyî bi metodanê şîdetî bêrê çareserkerdene û vera nê mudexaleyan vejîyena.''

Heyetê mehkeme bi îdîaya ''propagandaya rêxistêne'' cezaya 1 serre û 3 mengan daye Kaya.