Rixmo ke îfadeyê zûrî yê Hicran Berna Ayverdi ameyî belgekerdene pê îfadeyê ci cezaya şeş serran û hîrê mengan dîyaye îdarekarê verênî yê HDPyî Ramazan Dengizî.

Hicran Berna Ayverdi Hemşaredarê Bajarê Pîlî yê Amedî Selçuk Mizrakli zî tede derheqê 800 kesan de  bi zûran îfade da. Ame belgekerdene Ayverdî xîlaf qal kena. La rixmê nê seba ke Ayvertî vato Dengiz Komîsyonê Edaletî yê KCKyî de yo derheqê ey de dewa ameye akerdene. Dewaya ke bîdîaya “endamîya rêxsitene” ameye akerdene roniştişê ci Mehkemeya Cezaya Giran a 10. ya Amedî de ame kerdene. Mehkeme cezaya şeş serran û hîrê mengan daye Dengizî.