Dima ke Qanûnê Înfazî ame vurnayene tepişteyê sîyasîyê ke înfazê înan temam bîyo pê bahaneyanê cîya-cîyayan vera nêdîyenê.  Nînan ra yew zî Atîlla Coşkuno 35 serre yo ke Zîndanê Duzce de tepişîyeno.

Coşkuno ke mezgê ci de tumor esto ganî 6 mengî verî biameyêne veradayene. La Coşkun bi bahaneya cezaya dîsîplînî vera nêdîyeno. Avûkatê ci xîret kenê ke ceza rê îtîraz bikerê.

Babî Teyfîk Coşkunî vera mesele tewirê xo mojna û vat: ''Lajê mi 2015 ra nata zîndan de yo. No heq o? Têna ma hewte de di reyî pê telefonî qisey kenê. Îdareyê Zîndanî pê keyfê xo têgêreno. Key tepişteyî bigêrê heqanê xo cade cezaya dîsîplînî dîyena înan. Lajê mi rê cezaya hucreyî ya 15 rojan dîyaye.''

Babî Coşkunî ard ziwan ke ganî lajê ci tedawî bibo û vat: ''Nêweşîya ci zaf tehlukeyîn a. Zîndan de tedawî mumkîn nîya. Zîndanan de sey Atîlla bi seyan tepişteyî estê.''