Cezaya Makbule Ozer ameye peydeeştene
Makbule Ozera ke rixmo ke extîyar û nêweş a xeylêk wexto zindan de ameyêne tepiştene, seba ke cezaya ci ameye peydeeştene vizêr ameye tehlîyekerdene.
Qezaya Artemêtanî ya Wanî de Makbule Ozer ( 80) rixmo ke extîyar û nêweş a bi îdîaya “hetkarîya rêxistine” 9ê gulane de ameybî tepiştene.
Makbule Ozera ke xeylêk rey wedarîyaye nêweşxane û têna nêeşkena miqatê xo bo cezaya ci yew serre ameye peydeeştene û ameye tehlîkerdene. Makbule Ozer gama ke zîndanî ra vejîyaye seba ke wayîrê ci vejîyaye her kesî rê spas kerd.
