9 versûcanê Qirkerdişê Garî yê 10ê Teşrîna Verêne rê 3ê tebaxa 2018î de hetê Mehkemeya Cezaya Girane ya Anqara ra 101 reye cezaya muebede ya girankerde amebî dayene. Mehkeme 9 versûcan rê  endamîya rêxistine û madeyanê bînan ra ceza dabi.

Dayîreyê Ceza yê Mehkemeya Edlîye yê Anqara na ceza tesdîq kerde.

Avûkatanê keyeyanê qurbanan bire rexne kerde û da zanayene ke ê do dosya berê Mehkemeya Berze.

Derheqê bira Mehkemeya Edlîye de no rexne ame kerdene: ''Bira bi 7 rîpelan de qala nîqaşê huqûqî nêameya kerdene, rîpelê bi metodê kopya û zeliqnayîşî ameyî amadekerdene. Huqûq bi hawayêkê bêcîdîyetî nêzdîyê dewaya qirkerdişê tewr pîlî yê Tirkîya beno.''