Cezaya zîndanî dîyaye Mudirê Karanê Nuşteyî yê Xwebûnî
Mudirê Karanê Nuşteyî yê rojnameyê Xwebûnî Mehmet Alî Ertaşî rê bi îdîaya 'propagandaya rêxistine' cezaya zîndanî ya serrêke û hîrê mengan ameye dayene.
MEHMET ALÎ ERTAŞ
Vera Mudirê Karanê Nuşteyî yê rojnameyê Xwebûnî Mehmet Alî Ertaşî bi îdîaya 'propagandaya rêxistine' dewa amebî akerdene.
Roniştişê bire yê dewa ewro Mehkemeya Cezaya Girane ya Amedî de ame kerdene. Ertaş tewrê roniştişî nêbi la avûkatê ey Resûl Temur tewrê roniştişî bi.
Resûl Temurî pare kerd ke karanê ci yê rojnamegerîye ra vera muwekîlê ci dewa ameya akerdene û waşt ke Ertaş vera bidîyo.
La heyetê mehkeme cezaya zîndanî ya serrêke û hîrê mengan daye Ertaşî û bire daye ke hukmê bire dima wa bêro caardene.
