Cezaya zîndanî ya 9 serran dîyaye hunermende Demîre
Mehkemeya tirkan bi bahaneya vateyanê şahîdêka nimiye bi îdîaya 'endamîya rêxistine' cezaya zîndanî ya 9 serran daye hunermende Dîlane Demîr.
Serdozgerîya Komare ya Mersînî bi vateyanê şahîdanê nimite û dîyaran derheqê hunermende Dîlane Demîr de bi îdîaya 'endamîya rêxistine' îdîaname amade kerdni. Dima ke îdîaname qebul bi bi îdîaya 'endamîya rêxistine' derheqê Demîre de Mehkemeya Cezaya Girane ya Mersînî de dewa ameye akerdene.
Roniştişo 2. yê dewa Mehkemeya Cezaya Girane ya Mersînî de ame kerdene. Demîre tewra roniştişî nêbîye la avûkatê ci mehkeme de amade bi.
Heyetê mehkeme cezaya zîndanî ya 9 serran daye Demîre û derheqê ci de bira tepiştişî daye. Avûkatê Demîre do muracatê Mehkemeya Berze bikero.
