Cezaya zîndanî ya serrêke û 6 mengan dîyaye Wekîl Sarisaçî
Wekîlê HDPyî yê Wanî Murat Sarisaçî rê cezaya zîndanî ya serrêke û 6 mengan ameye dayene.
Mehkemeya dewleta tirke ya îşxalkere bi bahaneya vilakerdişanê ci yê medyaya dîjîtale Wekîlê HDPyî yê Wanî Murat Sarisaçî rê cezaya zîndanî ya serrêke û 6 mengan daye.
Roniştişê dewa Mehkemeya Cezaya Girane ya Wanî de ame kerdene. Mehkeme bi bahaneya 'propagandaya rêxistine' cezaya zîndanî daye Sarisaçî la eşkerakerdişê hukmî ame taloqkerdene.
