Cîldê diyînî yê ''Manîfestoyê Medenîyetê Demokratîkî'' yê Rayberê Şarê Kurdî Abdullah Ocalanî bi nameyê ''Medenîyeto Kapîtalîst: Dewrê Homayanê Bêmaskeyan û Qiralanê Rûtan''  açarîya îtalyankî û hetê Înîsîyatîvê Mîyanneteweyî Edisyonî ra pîya bi Putno Rossoyî ame weşanayene.

Nê kitabî de Abdullah Ocala fîneno çiman ver ke kapîtalîzm têna eserê çar seserranê peyênan nîyo,  dewamê medenîyetê klasîkî yo. Abdullah Ocalan kitab de bale anceno serê bîyayîş û bandura kapîtalîzmî ser û netîceyanê ci yê geno dest. Abdullah Ocalan derheqê pênasê kapîtalîzmî de Marxî ra zafer Braudelî ra nêzdî vindeno. Merkezê rexnekerdişê ci de netew-dewleta kapîtalîse esta ke yewdestîya tewr xurte ya ekonomî, leşkerî û îdeolojîk a.

Pîya bi naye Abdullah Ocalan ano ziwan ke hêzo esasî yê hegemonyaya kapîtalîste rakabetê koletîya zersafîye yo. ( qet yew karker/e çîn o/a ke destmizê zafêrî red bikero.)

Abdullah Ocalan vano kapîtalîzm senî ke eyseno wina jîhat nîyo, eslê xo de wextê xo yê tewr zehîfî ciwîyeno û bertengê rijîyayîşî de yo. Abdullah Ocalan vano Amerîka kena ke krîzî bigîro binê kontrolî û waro esasî yê krîzan Rojhelatê Mîyanênî sey herêma stratejîke ya şerî îlan keno.

Kitabo ke hetê Înîsîyatîfê Abdullah Ocalanî rê Azadîye û Kurdîstanî rê Haştîye ra resa wendoxan do cildê ci yê hîrêyînî do wisar vejîyo. Înîsîyatîfî bi eşkerayîya nuştekîye da zanayene ke ê keyfweş ê ke kitabê Medenîyeto Kapîtalîst: Dewrê Homayanê Bêmaskeyan û Qiralanê Rûtan resnayo wendoxanê ci.