Îstanbul de bi seyan cinîyî serkêşîya Platformê 25ê Teşrîna Peyêne de bi sloganê ''Ma seba azadîya xo bêveng nêmanê, cuya xo ra fek vera medê û dewleta nêre rê îteat mekerê'' Kuçeyê Yazganî de ameyî yewca. Rixmo ke polîsan pêro kuçeyê Beyogluyî girewtbî binê ablûqa cinîyan bi sloganê 'jin, jiyan, azadî' ver bi Warê Tunelî dest pê rayraşîyayîşî kerd.

Cinîyan bi sloganan vera ablûqaya polîsan xo ver da. Polîsan dormeyê cinîyan zî girewt û rojnamegerî zî warê çalakîye ra bi zorî vetî.

Cinîyî rixmê astengkerdişê polîsan zî Asmali Mescît de ameyî yewca. Cinîyan tîya de pankarta 'Cinîyan nê verê şîdetê camêrdan bigêrê' akerdene û ver bi Meydanê Tunelî şîyî. Polîsan tîya de bi îşkenceyî cinîyî destbend kerdî.

Cinîyî rixmê destbbendkerdişan zî Pirdê Halîçî û Karakoy de ameyî yewca û tîya de da zanayene ke vera zorbazîya dewlete ê do îtaet mekerê. Cinîyî reyna bi îşkenceyî ameyî dstbendkerdene.

Bi temamî 153 cinîyî Îstanbul de ameyî destbendkerdene.

[album=18055]