Cinîyanê îranijan şaristanê Kolnî yê Almanya de bi şîarê 'femînîzm seba Jîna' çalakîyêke kerde. Çalakîye de cinîyan bêmabên sloganê 'cinîye, cuye, azadîye' vat.

Aktîvîsta îranije Elaha Sadr bale ante nasnameyê Jîna Emînî ser û vat: ''Jîna Emînî kurd a, la seba ke Dayîreyê Nufusî yê Îranî nameyê ci yo kurdkî qebul nêkerdo nasnameyê ci de nameyê 'Mehsa Emînî' nusîyeno. Nameyê aye Jîna ya.''

Aktîvîstêka îranije ya bîne Homa Mûdarî zî îfad kerd ke sloganê 'Jin, Jiyan, Azadî' wextê têkoşînê YPJyî yê vera DAÎŞî de dinya ra vila bîyo û vat: ''Ganî no slogan nêro vurnayene, sey xo bimano.''

Aktîvîste Sara Savaree zî pare kerd ke cinîyî seba ke bedenê xo ser o bibê wayîrê heqî nê çalakîyan kenê.''

Çalakîye pê govendan qedîyaye.