Bajarê Strasbourgî yê Fransa de verê dezgehanê Ewropa de hetê Têgêrayîşê Cinîyan ê Kurdan ê Ewropa (TJK-E) ra çalakîye ameye organîzekerdene. Cinîyan veng da dezgehanê eleqedaran ke wa semedê cigêrayîşê hêrişanê kîmyewîyan heyetêk bişawîyo herême.

Cinîyan waşt derheqê babete dosyayêk teqîdîmê Konseya Ewropa bikerê la dosya nêameye qebulkerdene.Dosya ke hetê Kongreya Neteweyî ya Kurdîstan (KNK) ra ameye amadekerdene hetê wezîfedaranê ke berê de pawene ra nêameye girewtene. Wezîfedaran waşt wa dosya pê posta ya zî înternetî bêro şawitene. Cinayan vat heta dosya bêro girewtene ê do çalakîye rê dewam bikerê.