Cinîyî vizêr reyna semedê Jîna Emînî Îstanbul de kuçeyan de bî. Cinîyê ke Kadikoy de ameyî têhet vat qet hêrişêko faşîst nêeşkeno vere azadîya cinîyan bigêro.

Çalakîya ke zaf cinîyê îranijî tewrê ci bîyî de beyraqê gijikî yê ke sembolê Jîna Emînî û têkoşînî yê ameyî kiriştene û sloganê , “Jin jiyan azadî” bîyî berz.  Bi nameye Cinîyî Pîya Hêzdar ê eşkerayîye tirkî, farskî û kurdkî ameye wendene.

Eşkerayîye de bale ameye antene polîtîkaya hêrişkare ya rejîmê îranî  û muhîmîya têkoşînê ke badê qetilkerdişê Jîna Emînî ame destpêkerdene ser û ame vatene ke ê do tim wayîrê nê têkoşînî vejîyê. Cinîyan vat ê sey cinîyan tim yenê qetilkerdene û şîdet vînenî la zanê ke xelisyayîş têkoşînê hemparî yê cinîyan de yo. Cinîyan vera hêrişanê ser cinîyan hêrsê xo ard ziwan û vat ê do çirey verê zextan  çok medê û tim wayîrê heqanê xo vejîyê.

Badê eşkerayîye camêrd û cinîyan ê îranijan pê vatişê deyîra têkoşînî ya “ Bayaye”  paştî daye serewedaritişê vera sîstemê welatê xo. İranijanê ke qijikê xo qesnayî û pasaportê xo dirnayî waşt rayra şirê. Polîsan hêriş kerd la nêeşkayê verê înan bigêrê.