Cinîyî Êlih û Mersîn de Sifreyê Rîyêerdî  de ameyî yewca û înan qala polîtîkayanê şerî kerde. 

Têgêrayîşê Cinîyan ê Azadan (TJA) qezaya Tarsusî ya Mersînî de fitar da. Aktîvîsta TJA Zana Çoban fitarî ra dima qisey kerd û bale ante polîtîkaya şerî ya îqtîdarî ser. Zana vat: ''Îqtîdar menga Remezanî de zî şer keno, no zî mojneno ke AKP dînî seba xo şuxilneno. Ma zananê ke şer bi xizanîye û vêşanîye do abigêro cinîyan û ganî verî cinîyî vajê ke wa şer vindero.''

Êlih de zî Meclîsê Cinîyan ê HDPyî, TJA û Platformê Kede û Demokrasî fitar da cinîyan. Vervatoxa Meclîsê Cinîyan Ayşe Acar Başaran, Hemşaredara Êlihî Songule Korkmaz, TJA, Meclîsê Mayanê Haştîye û xeylêk cinîyan pîya fitarê xo kerd Fitarî ra dima qala girîngîya menga Remezanî ameye kerdene.