Ciwana HDPyije ameye tepiştene

Endama Meclîsê Ciwanîye yê HDPyî Betule Unsal ameye tepiştene.

Endama Meclîsê Ciwanîye yê HDPyî Betule Unsala ke semedê îfadedayîşî şîye edlîye, ameye tepiştene.

Çarçewa cipersayîşê Serdozgerîya Komare ya Anqara de 23 çileyî de operasyonê qirkerdişê sîyasîyî de qerarê destbendkerdişê Betule Unsal dîyabi. Unsala ke şîye îfade da bi şahîdîya şahîdê/a nimiteyî/e bi îdîaya ''endame û îdarekara rêxistine'' sewqê mehkeme bîye û bi eynî îdayan ameye tepiştene. Unsale ameye şawetene Zîndanê Qefilnayeyî yê Cinîyan ê Sîncanî.