Ciwananê kurdan û enternasyonalîstan semedê teşhîrkerdene hukmatê almanî ke paştî dano hêrişanê qirkerdişî yê dewleta tirke kombîyayîşêkê SPDyî yê Stuttgartî de çalakîya bêîteatîya sîvîle kerde.

Ciwanan heyata kombîyayîşî de bi pankartê  “Hêrişanê kîmyewîyan ê vera şarê kurdan vindarnê” bale ante hêrişanê vera Kurdîstanî ser. Ciwananê ke pê fotografanê Rayberê Şarê Kurdî Abdullah Ocalanî kewtî zere,  derheqê hêriaşnê dewleta tirke yê vera Başûr û Rojawanê Kurdîstanî vilaweke wende. Ciwanan vat: " Ma hemkarîya SPD û Tirkîya qebul nêkenê. Ma rîyê şima yê raştî mojnenê.Destanê şima de gonî est a!"