Têgêrayîê Ciwananê Şorişgêran (TCŞ) û Cinîyan ê Ciwanan ê Têkoşeran (TekoJIN) bi eşkerayîyêke veng da ciwananê kurdan û enternasyonalîstan ke wa vera hêrişê qikerdiş û îşxalî yê dewleta tirke û xeta xayînîye ya PDKyî bi ruhê seferberîye têkoşîn bikerê.

Eşkerayîye de sere de xoverdayîşê gerîlayan ê Zap, Metîna û Avaşînî ame selamkerdene û nê ameyî vatene: ''Seke yeno zanayene ma wextê ke tarîxî ra ravêrenê.  Hêrişê îqtîdarê AKP-MHPyî yê vera kurdan bi metodanê cîya cîyayan her hetî zafêr û giranêr benê. Pê nê hêrişan yeno waştene ke kurdî bêrê çînkerdene. Nê hêrişî pê hemkarîya PDKyî dilab-hîrlab giranêr benê. Xora bi tecrîdê serê Rayber Apoyî yo ke bi hewayêkê sîstematîkî yeno kerdene, şexsê ey de şarê kurdî yeno tecrîdkerdene.

Ma sey ciwananê kurdan tîya ra vanê ke Rayberîya ma xeta ma ya  sûr a. Ma ciwanê kurdan ê ke Ewropa de yê û ciwanê enternasyonalîstî amedeyê ke vera hêrişanê vera Rayberîye kuçeyan de adirê şorişî tafînê. Wext wextê xoverdayîş o. Ganî çarçewa Hemleya “Werin cenga azadiyê” de ma wirzê payan ser. Wext wextê azadîye yo. Ganî ma rexistinkerde gerîlayê ke bi hewayêke qehremankî Zap, Metîna,  Avaşîn û Zendûra de têkoşîn kenê reyde bibê yew. Ma veng danê ciwananê ke Ewropa de yê wa bi ruhê seferberîye tewrê hemle bibê.''