Seba ke dewleta Tirkî ya îşxalkare hêrişê Rojawanê Kurdistanî kena, şar û ciwanê Başûrê Kurdistanî zî bi boykotkerdişê berhemanê Tirkî tewirê xo mojnenê. Ciwanê Başûrê Kurdistanî dimayê vengdayîşê seferberîya seba Rojawanê Kurdistanî tewrê Coverdayîşê Cengê Rojawanî bîyî. Ciwanan çeperanê şerî de seba geşkerdişê boykotê berhemanê Tirkan veng da.

Ciwananê Başûrê Kurdistanî yê ke Rojawan de çeperanê şerî de xo ver danê, veng da şarê Başûrê Kurdistanî ke wa berhemanê Tirkan boykot bikê û paşt nêdê ekonomîyê şer û îşxalkarîya Tirkî. Ciwanan îfade kerd ke  pêroyê berheman û hacetanê Tirkî de gonîya şehîdan esta û herînayîşê nê berheman û hacetan verê qirkerdişan akeno. Ciwanan bale ante serê naye ke bi pereyê nê berheman şarê Kurdî yeno qetilkerdene.

Ciwanan peynî de veng da pêroyê ciwananê Başûrê Kurdistanî ke wa tewrê seferberîya seba Rojawanî bibê û verba îşxalkarîya dewleta Tirkî verê xo bidê çeperanê şerî.