Yunanîstan de seba şermezarkerdişê Komployê Mîyanneteweyî yê vera Rayberê Şarê Kurdî Abdullah Ocalanî beşo yewin ê Rayraşîyayîşê Dergî qezaya Palliniyî ya Atina de dest pêkerd. 

Ciwanî erkêşîya TJA de, bi şîarê 'Rayber Apoyî rê Azadîye, Kurdîstanî rê Statu' rayîr a şinê û seba azadîya Ocalanî sloganan qîrenê. Şarî zî pê çepikan û kornayan paştî daye çalakîkeran.

Rayraşîyayîşo Derg Atina de Meydanê Akademia de bi mîtîngêkî do biqedo. Mîtîng saete 15.00 de ewro verê Sersefîrîya Tirkîya de bêro kerdene û dima zî eşkerayîya çapemenîye bêra dayene.