Polîsanê têgêrayîşê taybetî yê tirkan şefeqê sibayî de eşt banê Rêxistina HDPyî ya Cizîre ser.

Operasyonê qirkerdişê sîyasîyî de polîsan berê partîye şikitî, pê solanê xo payna secdeyan ser. Badê cigêrayîşê di saetan taxanê Cûdî, Dagkapi, Nurî û dewa Dirseklî de sereştişê keyeyan ameyî kerdene. Sereştişan de Hemserekê HDPyî yê qeza Mesut Nart, Îdarekara HDPyî ya qeza û dayîka Yasemane Çikmaza ke bodrumanê Cizîre de ameye qetilkerdene, Esmer Çikmaz, Osman Kuçuk, Maruz Eriş û Şerif Elçioglu ameyî destbendkerdene.

5 kesî ameyî berdene bi Mudirîya Asayîşî ya Bajarî. Yeno pawitene ke derheqê sereştişî de eşkerayîye bêra dayene.