Goreyê doneyanê serra 2020î nufusê ciwanan tewr zaf Colemêrg de yo. Rixmê ney zî şaristan de xizmetê weşîye, hûmara personel û doktoran zaf tay ê. Nêweşî nêeşkenê nêweşxane ra randevu bigêrê. Qezayanê Gever, Çelê û Şemzînanî de zî doktor û xebatkarê weşîye kêm ê. Roniştoxê Colemêrgî semedê tedawî şinê şaristananê bînan.

Hemserekê Şubeyê Colemêrgî yê Sendîkaya Kedkaranê Weşîye û Xizmetanê Sosyalan (SES) Murat Kayayî waşt ke ganî şaristan de nêweşxane bêro hîrakerdene, hûmara personelan û doktoran bêra zêdînayene.

Kayayî pare kerd ke Colemêrgî de doktorê her beşî çin ê û vat: ''Doktorî wexto ke demê wezîfeyê mecbûrî qedîyeno şinê yan zî îstîfa kenê. Şaristan de servîsê Weledîyayîş û Domanan kêm ê û ganî naye ser o nêweşxaneyêk bêro viraştene.''