CPJ: Tewr zaf Tirkîya û Çîn de rojnamegerê tepişteyî estî

Komîteya Pawitişê Rojnamegeran (CPJ) bi raporêkê taybetî pare kerd ke tewr zaf Tirkîya, Çîn, Arabîstana Suûdî û Misir de rojnamegerî tepişte yê.

Goreyê raporê taybetî yê CPJyî yo ke hetê Elena Beiser ra ame amadekerdene, çar serranê peyênan de dinya de tewr tay 250 rojnamegerê tepişteyî estî.

Rapor de ame vatene: "Çîn tedaya xo ya çapemenîye ser o zêde kerde. Tirkîya de hema hema muxabîrîya xosere bi temamî çin bîye. Serra 2019î de hûmara rojnamegeranê ke xeberanê xo ra sebeb ameyî tepiştene 250 kes bîye ke asta rekorî ya. Rîyê otorîterîzm, bêaramîye û nawnayîşanê şermezarkerdişî ra Rojhelatê Mîyanênî de hûmara rojnamegeran ê tepişteyan bîye zêde, bi taybetî Misir û Arabîstana Siûdî  babeta tepiştişê rojnamegeran de rêzê hîrêyînî de yê."

Rapor de ame vatene, "Çîn, Tirkîya, Arabîstana Siûdî û Misir ra dima babeta tepiştişê rojnamegeran de Erître, Vîetnam û Îran yenê."

Goreyê rêxistinanê çapemenîye yê Tirkîya hûmara rojnamegeran ê tepişteyan 100 ra zêdêr ê.