Goreyê xebera AFPyî CPTyî raporê xo yê derheqê zîyaretêkê 2019î de da zanayene ke înan tepişteyanê Îmarliyî reyde pêvînayîş kerd. Rapor de ame vatene ke sîstemê zîndanî de zîyaretê 2016î ra nata 'holbîyayîşêk' çin o.

CPTyî îfade kerd ke Ocalan û hîrê tepişteyê bînî hewte de têna şeş saetan eşkenê yewbînan bivînê û naye ra berî wextê kombîyayîşê di kesan têna 3 saet o. 

CPTyî raporê xo de qeyd kerd ke 'Tepişteyî pêroyî tecrîdkerde yê' û no tecrîd 168 saetan yan zî 159 saetan dewam keno. CPTyî pê hesna ke serranê peyênan de Rayberê Şarê Kurdî Abdullah Ocalanî keyeyê xo reyde hema vajê qet pêvînayîşêk nêkerd û vist vîrî ke muracatê pêvînayîşê avûkatanê ci zî serra 2019î ra nata yenê redkerdene.

CPTyî raporê xo de vat ke ganî mabênê şertanê asayîşî û heqanê bingeyînan ê merdiman de yew hemsengîye bêra viraştene. CPTyî veng da ke seba ke tepişteyî avûkatanê xo reyde bi hawayêkê sîstematîkî pêvînayîş bikerê ganî sîstemêko mende bêro awankerdene. 

CPTyî peynîya raporê xo de ard ziwan ke ganî pêro sîstemê Îmraliyî bêro vurnayene.