Buroyê Huqûqî yê Asrinî ancî Komîteya Vergirewtişê Îşkenceyî (CPT) rê muracat kerd. Muracat de ame waştene ke wa avûkatî bi lezî şorê Zîndanê Îmraliyî û muwekîlanê xo Rayber Apoyî, Omer Hayrî Konar, Veysî Aktaş û Hamîlî Yildirimî de pêvînayîş bikerê. 

Muracat de dîya zanayene ke çar serran ra dima 23yê teşrîna verêne de Omer Ocalanî Rayber Apo de pêvînayîş kerdo û muracatê pêvînayîşê keye û avûkatan bêcewab yenê verdayene. 

Muracat de ame parekerdene ke bi cezayanê dîsîplînî pêvînayîşî yenê astengkerdene û birê Mehkemeya Heqanê Merdiman a Ewropa (MHME) nênê caardene. Muracat de bale ameye antene heqê hêvîye ser û ame vatene ke rixmo ke CPTyî tecrîdê Îmraliyî sey 'îşkenceyî pênase' kerdo tecrîd dewam keno.

Muracat de nê waştişî ameyî rêzkerdene:

''-Ganî Zîndanê Îmraliyî bi lezî (ad-hoc) bêro zîyaretkerdene.

-Wa şertê Îmraliyî bêrê weşkerdene, pêvînayîşê bi keye û avûkatan bêrê caardene, hacetê têkilîye bişuxilîyê, cezayê dîsîplînî yê sîstematîkî wedarîyê û qedexeyê pêvînayîşê bi avûkatan biqedê.

-Wa CPT raporanê xo yê serê Îmraliyî bi taybetî raporê zîyaretê Îmraliyî yê 22yê êlula 2022yî eşkera bikero.''