DAÎŞî Iraq û Başûrê Kurdîstanî de dest bi galan kerd
Cerganê DAÎŞî Başûrê Kurdîstanî de galê hêzanê asayîşî kerd, 3 hêzê asayîşî şehîd bî. 5 endamê asayîşî, 2 teneyî ci ra domanî 8 kesî zî birîndar bîy.
Cerganê DAÎŞî Başûrê Kurdîstanî de galê hêzanê asayîşî kerd, 3 hêzê asayîşî şehîd bî. 5 endamê asayîşî, 2 teneyî ci ra domanî 8 kesî zî birîndar bîy.
Cerganê DAÎŞî galanê îşxalker ê dewleta tirkan ra sûd girewt û vizerî şande galê dewanê Germîyanî yê Başûrê Kurdîstanî kerd. Galî de 3 endamê asayîşî şehîd bîy û 8 kesî zî bîy birîndar.
Çimeyanê herêmî dîyar kerd ke cerganê DAÎŞî bi hewan û çekanê giranan galê bendanê asayîşî yê dewa Kulecoyî yê şaristanokê Koksî yê Kifrîye kerd. Nê galî de Berpirsîyarê Asayîşê Kulacoyî Yarbay Sîmko, endamê asayîşî Mehmûd Cûma û Cûma Abid şehîd bîy. 5 endamê asayîşî, 2 domanî û cinîyêk zî birîndar bîy.
Şerî heta şewe zî dewam kerd. Ame dîyarkerdene ke galê cerganê DAÎŞî ameyo şiknayene û vera cergan operasyonêk ameyo destpêkerdene.