Nobeta Edaletî ya keyeyanê tepişteyanê nêweşan û tepişteyanê ke înfazê înan ameyo vêşnayene, hewteyê 26. de îskeleyê Kadikoyî yê Îstanbulî de ameye kerdene. Wekîlê HDPyî Zuleyha Gulum û Dilşate Canbaz, Meclîsê Ciwanan ê HDPyî û îdarekarê HDPyî zî tewrê çalakîye bîyî.

Polîsan dormeyê îskeleyî girewte  la keyeyî reyna zî ver bi îskeleyî şîyî. Polîsan keyeyî girewtî binê ablûqa û xîret kerd ke çalakîye asteng bikerê. Keyeyan vera polîsan nêrazîbîyayîşê xo mojna. Polîsan hêrişê keyeyan kerd û dadî Fincê Akman, Cemîle Çîftçî, Cemîle Karakaş û 7 kesê bînî bi şîdetî destbend kerdî.

Wekîlanê HDPyî vera polîsan nêrazîbîyayîşê xo mojna. Wekîlan waşt ke tepişteyê nêweşî û tepişteyê ke înfazê înan qedîyayo wa vera bidîyê.