Vervatoxa Meclîsê Ciwanan ê HDPyî Dêrsime Dag kombîyayîşê çapemenîye de bînaya partîya xo de qisey kerd û rojdem ercna.

Dage verî bale ante serrgêra Darbeya 4ê Teşrîna Peyêne ser û vat: ''4ê teşerîna peyêne ya 2016î de bi operasyonê qirkerdişê sîyasî hemserek, wekîl û xebatkarê ma ameybî tepiştene. Nê operasyonî armanc kerdbi ke kurdan sîyasetî ra dûrî bivisno. La ne na darbe ne zî darbeyê bînî nêeşkayî ma sîyasetê demokratîkî ra dûrî bivisnê.''

Dage pêvînayîşê Komîsyonê Plan û Budçe ercnayî û pare kerd ke dewleta tirke ciwanan mehkumê xizanîye û bêkarîye kena û budçeyêka qîme seba ciwanan nêdana kişte.

Dage da zanayene ke bi taybetî Kurdîstan de pêro Tirkîya de tîryakî bi rehetî roşîyenê ciwanan. Dage dîyar kerd ke îqtîdar pêro budçeyan dano şerî û terefgîranê xo.

Dage peynîya qiseykerdişê xo de vat: ''Ma venga pêro ciwanan danê ke bêrê mîyanê Meclîsê Ciwanan ê HDPyî de xo rêxistin bikerê. Ma qetî do budçeya 2024î bikerê budçeya ciwanan û cinîyan.''