Derheqê Sereka Konfederasyonê Komeleyanê Elewîyan a Ewropa (AABK) û wayîra Kovara Vengê Elewîyan Nevîne Kamîlagaoglu de bi îdîaya ‘terorîzmî’ ameye akerdene. Yewîya Cinîyan ê Elewîyan ê Demokratîkan (DAKB) bi eşkerayîyêka çapemenîye vera bira tepiştişî ya Serdozgerîya Komare ya Anqara nêrazîbîyayîşê xo mojna. 

DAKBî pre kerd ke na dewa tena vera kesêke ney vera bawerîya elewîyan ameya akerdene û vat: ‘’Ê bi seserran o kenê ke elewîtîye çin bikerê la ma sere wedarit. Nevîne zî serkêşanê nê xoverdayîşî ra yew a. Nevîne tim têkoşînê heq, edalet û hemwelatîbîyayîşî kerd. Ma sûcdarîya vera aye qebul nêkenê. Ma do nêverdê ke cinîyî bi zulmî bêrê bêvengkerdene.

Ma do prosesê muhakemekerdişî nêzdî ra teqîb bikerê. Ma Nevîne Kamîlagaoglu reyde yê.’’