Swêd, Norwec û Fînlandîya vera Vakur û Rojhelatê Sûrîye de îşxalkarîya Dewleta Tirkan  qerar girewt ke çekan nêroşê Tirkîya. Seba ke Danîmarka heman wext de qeraro winasî nêgirewt, bîye hedefê nêrazîbîyayîşan û mabênê rayaumûmîye û parlamentoyî de munaqeşeyan dest pêkerd. Lîsteya Yewîye û Partîya Çepe ya Sosyalîstan babete arde rojeveya parlamnetoyî û waştibi ke çekî meroşîyê Tirkîya.

Wezîrê Karanê Teberî Jeppe Kofodî cewab da persanê parlamenteran û pare kerd ke serrêk û nêmî ra nat ê çekan nêroşenê Tirkîya û naye ra hewce nêkeno qerar bigêrê ke çekan nêroşê Tirkîya.

Kofodî 24ê teşrîna verêne de îşxalkarîya Dewleta Tirkan şermezar kerdibi û vatibi ke ê do destûr nêdê ke hînî çekî biroşîyê Tirkîya.

Parlamentera Lîsteya Yewîye û Vervatoxa Polîtîkayê Zereyî Eva Flyvholm a ke seba ke Tirkîya rê rotişê çekan biwedare têgêrayena, da zanayene ke ê seba nê qerarî kêfweş ê û vat: "Na gamêka girînge û rastekên a. Tirkîya rê mesaj erşawena ke a bi hewayêkê harî hêrişê Kurdanê Sûrîye kena."