Komîsyonê Şar û Bawerîyan ê DEM Partî bi eşkerayîyêke Darbeya Leşkerî ya 12ê Adara 1971î, Qirkerdişê Gazî yê 12ê Adara 1995î û Qirkerdişê Qamişloyî yê 12ê Adara 2004î şermezar kerdî.

Komîsyonî pare kerd ke Darbeya 12ê Adare ra dima şorişgêrê sey Îbrahîm Kaypakkaya, Denîz Gezmîş, Mahîr Çayan, Sînan Cemgîl ameyê qetilkerdene û bi hezaran roşnvîr, akademîsyen û ciwanî zî tepişîyayê.

Komîsyonî îfade kerd ke heman ferasetî taxa Gazî ya Îstanbulî de qirkerdiş kerd û 12ê adara 2004î de rejîmê Baasî yê Sûrîye Qamişlo de xeylê kesî qetil kerdê.

DEM Partî vat: ‘’Bi nê qirkerdiişan ame waştene ke şarê kurdî yo ke seba nasname, rûmet û heqanê xo têkoşîn keno, cigêrayîşê înan ê azadîye bêro çinkerdene. Ma pêro qurbananê nê qirkerdişan yad kenê. Heta ke edalet seba bindest, kedkar û komanê bawerîyan ê Tirkîya û herême nêro haştîye zî do nêra.’’