Adana de, dayîkê ke domanê înan vera tecrîdê Îmraliyî grevê vêşanîye û rojeyê mergî de yê, seba caardişê waştişanê domananê înan ewro reyna wareyan de bîyî. Dayîkê xoverdayoxî teba parlamentera HDP'yî Tulay Hatîmogûllari, rayberê HDP, DBP, HDK û TUAYDER’î ya Çûkûrovayî Parka Îsmet Înonu de çalakîya roniştişî viraşte. Polîsanê Tirkî dorê parke girewt binê ablûqa û kesê ke parke de yew bi yew kontrol kerdî.

Şexsê Ocalanî de ma hemeyî yenê tecrîdkerdene

Rixmê astengîya polîsan dayîka bi nameyê Latîfe Aydine qisey kerd û vat, “Tecrîdkerdişê Ocalanî tecrîdkerdişê heme şaran o. Zulm û heqaret hepisxaneyan de yeno kerdene. Ma dayîk ê, kezeba ma veşana.  Ê yê hepisxaneyan de yê parçeyêkê ma yê, domanê ma yê û domanê şarê ma yê. No zulmê serê Ocalanî bêro wedaritene. Ma do her roje wareyan de waştişê aşitîye bîyarê ziwan.”

Girse bi tilîlîyan û çepikan ver bi banê HDP’yî yê bajarî kewt bi rayîr.