Şaristanê Kolnî yê Almanya de çarçewa safhaya diyîne ya Hemleya 'Abdullah Ocalanî rê Azadîye, Meseleya Kurdan rê Çareserîye' de 16ê teşrîna peyêne de rayraşîyayîş û mîtîng do bêrê kerdene. Çalakîkeran dîyar kerd ke 16ê teşrîna peyêne de ê do beşdarê rayraşîyayîş û mîtîngê Kolnî bibê û venga pêro kurdîstanijan zî da ke Koln de ancî azadîya Rayber Apoyî biwazê.

Mehmet Balîbayî vat: ''Rayraşîyayîş do seba azadîya Rayberê ma bibo. Ma pabeyê her kesî yê. Ez zî do tewrê ci biba.''

Dayîke Ozana qamişloyîje vat: ''Ma do seba Rayber Apo û Rojawanî Koln de bibê. Erdogan merdimanê ma kişeno. Ma soz danê le rêçê şehîdan ra şorê. Ma do waran de binê. Heta ke Rayber Apo û welatê ma azad bibo ma do payan ser de bibê.''

Meryem Yerlîkayaya pîranije vat: ''Ma sey kurdan her cayê dinya de zehmetî ancenê. Ma wazenê ke ney bîyarê ziwanî. Koln de vengêko xurt do berz bibo. Ma do pîya seba azadîya Abdullah Ocalanî û pawitişê heqanê kurdan Koln de bibê.''

Kanîyê dêrikijî vat: ''Bêguman seba azadîya Raybr Apoyî ez do 16ê teşrîna peyêne de tewrê rayraşîyayîşî biba. Rayber Apo seba ma xeylê çi kerd. Azadîya Rayber Apoyî azadîya çar parçeyanê Kurdîstanî ya.''

Harun Erkuşî vat: ''Rayber Apo 26 serrî yo tecrîdkerde yo. Ma ney qebul nêkenê. O îradeyê ma yo. Sey Meclîsê Bielefeldî ma amadekarîyanê xo kenê û do Koln de bibê. Ma Koln de pîya azadîya Rayber Apoyî biwazê.''