Seyîd Riza, Wusenê Seydî, Alîyê Mirzê Silî, Hesen Aga, Findiq Aga, Reşik Uşên û Hesenê Îvraîm 15ê teşrîna peyêne ya 1937î de Xarpêt de ameybî dardekerdene.

Federasyonê Komeleyanê Dêrsimî  (DEDEF) bi şîarê 'Seba roşnîkerdişê na tarîtîya merdimîye ti zî findêk tavisne' ewro saete 19.37 de rihtimê Kadikoyî yê Îstanbulî de merasîmêk serûber bikero. Seyîd Riza û embazê ci do merasîm de bêrê yadkerdene.

DEDEFî eşkerayîya nuştekîye daye û vist vîrî ke hema zî gorê Seyîd Riza û embazanê ci nêzanîyenê. DEDEFî venga pêro dêrsimijan û şarî da ke tewrê merasîmî bibê. Merasîmê yadkerdişî de findî do bêrê tavistene.