Rayraşîyayîşê dergî yo ke pê şîarê 'Vera îşxalê Tirkîya ma Kurdîstanî bipawê' 10ê temmuze de şaristanê Lozanî yê Swîsre de dest pêkerd, di rojî peyê xo de ver dayî.

Çalakîkerî do ewro şaristanê Cenevre de rayîrî ra şorê. Çalakîkeran venga her kesî da ke tewrê nawnayîşê ewroyînî yê Cenevre bibo.

Nameyê Înîsîyatîfê Defend Kurdistanî ser o Hemserekê Komelê Demokratîkî yê Kurdan ê Swîsre (CDK-S) Îsmaîl Kardaş û Sereka Yewîya Cinîyan ê Kurdan a Swîsre (YJK-S) Selma Surer venga her kesî da ke verê Ofîsê Neteweyanê Yewbîyayeyan de kom bibo.