Heyetê Rayberdişê Merkezî yê DEM Partî bi eşkerayîyêke qirkerdişê Kobanê bi ziwanê tûjî şermezar kerd.

DEM Partî vat: ‘’Ma bi xemgînî hêrsî eşnawit ke dewa Berxbotanî ya Kobanê de hêrişê droneyanê çekdaran de dadî, babî û 7 domanê înan ameyê qetilkerdene û 2 kesî zî birîndar bîyê. No qirkerdiş sûcê şerî yo ke wijdanê merdimatîye dejnayo. Ma nê dejî xorinî ra hîs kenê. Ma nê hêrişê barbarî bi tûjî şermezar kenê. Ganî kerdoxê nê hêrişî cade hesab bidê.

Nê prosesî de ke Îdareyê Xoserî yê Rojawanî û hukmatê Şamî peymanêke îmza kerda hêrişo winayên ame kerdene. No hêriş tesadûfî nîyo, seke Birêz Ocalanî verî bale antibî ser sabotaj o. 

Ma nê kes û hêzan ra persenê ke gelo domanêke ameyê qetilkerdene vera asayîşê şima gef bîyê? Ma qetilkerdişê domanan û sivîlan qetî qebul nêkenê. Wa îqtîdarê AKPyî ca de derheqê babete de eşkerayîyêke bido.

Seba tesbîtkerdişê mesuldaran û hesabperskerdişî ma do têkoşînê xo rê dewam bikerê.’’