Serekwekîlê Koma DEM Partî Gulistane Kiliç Koçyîgît û Sezaî Temellî zî tede wekîlanê DEM Partî verê Meclîsî de hêrişê vera Rojawanî şermezar kerdî. 

Sezaî Temellîyî çalakîye de qisey kerd û pare kerd ke tewirê Tirkîya krîzê Sûrîye giranêr keno. Temellîyî vat: ''Seba haştîya Tirkîya û qedîyayîşê krîzanê Rojhelatê Mîyanênî ganî pêkewtişî biqedê. Artêşa Milî ya Sûrîye berhemê DAÎŞ û El Nûsra yê. Teyna QSD eşkeno herême de aramîye bîyaro ca. Rojawan de ancî tehlukeyê DAÎŞî virazîya. Sebebê ney zî hêriş ê. La ma Sûrîye û Tirkîya de haştîye wazenê. Seba haştîya welatî û Rojhelatê Mîyanênî zî ganî berê Îmraliyî bêrê akerdene. Wa muxalefet zî polîtîkaya zere û teberî hol biernco û hetê şaran de cabigêro.''

Gulistane bale ante serebûtanê Sûrîye ser û vat: ''HTŞ Sûrîye de sûcanê şerî keno, şarê elewîyan qetil keno. Ganî şar, komel û dormeyê cîyayî ameyoxê Sûrîye de wayîrê qalî bibê. Tirkîya bi tewirê xo teyna alozîya Sûrîye pîlêr kena. Tirkîya paştî dana SMO ke hêrişê kurdan bikero. No tewir çareserîye rê xizmet nêkeno. Şima hem qalê haştîye kenê hem zî hêrişê kurdanê Rojawanî kenê. Eke şima raşta zî haştîye wazenê destê kurdanê Rojawanî bigêrê. Ma do vera hêrişanê SMOyî tim waran de bibê.''