Serekwekîla Grûba DEM Partî Gulîstane Kiliç Koçyigit kombîyayîşê meclîsî de derheqê pêvînayîşê hîrêyînî yê Îmraliyî de qisey kerd.

Gulîstane Kiliç Koçyigit nê vatî: ''Heyetê ma do mîyanê çend rojan de şiro Îmrali. Muracatê semedê pêvînayîşî do ewro-siba bêrê kerdene. Hazirîye hay benê temam. Pêvînayîş de bitaybetî do zîyaretê Başûrê Kurdîstanî bêrê destgirewtene. Badê nê pêvînayîşî pîya bi Birêz Ocalanî do takvîmê vengdayîşê tarîxî bêro zelalkerdene. Semedê çareserîya meseleya kurdan do dewrêko newe bêro destpêkerdene. Ma zanê ke o vengdayîşo tarîxî do bêro.  Newera do zemînê îtîfaqê kurdan û tirkan bêro ronayene. Ê ke wazenê verê nê bigîrê ganî hetê sîyaset û komelî ra berê vindarnayene.''

Gulistane Kiliç Koçyigit ard ziwan badê vengdayîşê tarîxî berpirsîyarîye kewna milê meclîsî û vat: ''Badê vengdayîşî ganî meclîs berpirsîyarîye bigîro xo ser, destê xo bikero binê kerra  û semedê caardişê hewcedarîyanê nê vengdayîşî bedilnayîşano qanûnî bikero.''