Heyetê Rayberdişê Merkezî yê DEM Partî bi eşkerayîyêke qetilkerdişê Nazim Daştanî û Cîhane Bîlgîn şermezar kerd. 

Eşkerayîye de wina ame vatene: ''Nazim Daştanî û Cîhane Bîlgîn herême de serebûtî teqîb kerdêne û raştîye resnayêne dinya. Înan xoverdayîşê cinîyanê Rojawanî zî resnayêne dinya. La îqtîdarê AKP-MHPyî ê qetil kerdî. 

Ma hol zanenê ke hêrişê înan ê vera rojnamegeran hêrişê plankerde yê. Nê rojnamgerî seba ke peyê raştîye de bîyê ameyî hedefkerdene. Bi nê hawayî yeno xîretkerdene ke sûcê şerî bêrê nimitene.

No hêriş vera huqûqê mîyanneteweyî û merdimatîye ameyo kerdene û ma nê hêrişî lanet û şermezar kenê. Ma venga selahîyetdaranê mîyanneteweyîyan danê ke vera nê hêrişanê gemarinan cade vengê xo bikerê û qetlîaman vindarnê.

Nê hêrişî do yêkoşînî sist nêkerê. Têkoşînê Nazimî û Cîhane do erdî de nêmano. Çapemenîya azade bi qerardarî û têkoşînêkê pîlî payan ser de bimana.''