Komîsyonê  Çapemenî, Weşan û Propaganda yê DEM Partî bi wesîleya 6ê Nîsane Roja Rojnamegeranê ke Ameyî Kiştene eşkerayîye daye û nê vatî:

''Tirkîya de bitaybetî Kurdîstan de bi serran o bi zextê giranî, sansur, tehdît, tepiştiş, suîkastan yeno waştene ke rojnamegerî bibê bêveng. Ewro hema bi desan rojnamegerî zîndanan de yê û bi seyan rojnamegerî yenê muhakemekerdene. 5 serranê peyênan de hêrişanê leşkerî yê vera Başûr û Rojawanî de 15 rojnamegerî ameyî qetilkerdene. Seba ke nê rojnamegeran heqîqetî fînayî çiman ver ameyî hedefgirewtene.

Ma sey DEM Partî senî ke vizêr vera nê hêrişan bêveng nêmendî ma do ewro zî bêveng mebê. Ma paştî danê heme rojnamegeran ke qelama xo semedê şarî şuxulnenê. Çunke no têkoşîn têna ê rojnamegeran nîyo, têkoşînê şaran o.

Hasan Fehmî ra heta Metîn Goktepeyî, Gurbetelli Ersoz ra heta Hrant Dinkî, Musa Anterî ra heta Nazim Daştan û Cihane Bilgin heme rojnamegerê ke ameyî kiştene ma înan bi hurmet yad kenê. Ma soz danê heme rojnamegeran ke peyê heqîqetî de, rixmê heme hêrişan peyser game nêeşte: Ma do şima xo vîra mekerê, têkoşînê xo xurt bikerê, têkoşînê xo çirey erdî de meverdê.''