Mehkemeya Heqanê Merdiman a Ewropa (MHME) bira xo ya serê Hemsereka verêne ya HDPyî Fîgene Yuksekdag û 12 wekîlanê bînan eşkera kerde û waşt ke cade wekîlî vera bidîyê. Avûkat Ramazan Demîrî bire ANFyî rê ercnaye.

Avûkat Ramazan Demîrî pare kerd ke goreyê madeya 90. ya Qanûnê Bingeyî Tirkîya serranê 1988-89î de qebul kerd ke biranê Peymana Heqanê Merdiman a Ewropa û MHME bîyara ca. Ramazan Demîrî vist vîrî ke wekîlê HDPyî bi armancê sîyasî tepişîyayê û vat: ''MHME xora verî zî seba bira Selahattîn Demîrtaşî esasê xo eşkera kerdbî û fikrê xo yê serê wekîlanê bînan eşkera kerdbî. Tirkîya heta nika birê serê wekîlanê HDPyî nêardî ca. Tirkîya rixmo ke  nê merdimî vera nêdayî reyna zî mîyanê Konseya Ewropa de cagêna.''

Avûkat Demîrî ard ziwan ke Tirkîya endamêka Konseya Ewropa ya û MHME zî pabesteyê Konseya Ewropa ya. Demîrî îfade kerd ke Konseya Ewropa sûcanê Tirkîya rê çimanê xo gêna û Tirkîya zî ney ra paştî gêna. Demîrî vat: ''Naye ra eşkera yo ke Konseya Ewropa a raşte dezgehêko polîtîk o.''