Hemserekê HDPyî yo vêrên Selahattîn Demîrtaş û Hemşaredarê Bajarê Pîlî yê Amedî Selçuk Mizrakli yê ke zîndan de sey rehîn yenê tepiştene semedê protestokerdişê qetilkerdişê cinîya kurde Jîna Emînî gijikê xo qesna.

Demîrtaşî eşerayîya nuştekîya ke pare kerde de nê vatî: ‘’Seba ke yew lemê gijîkê ci esayî Mehsa Emînî hetê ‘polîsanê ehleqî’ yê Îranî ra ameye qetilkerdene.  Vera zulm û zextî  xoverdayîş têna gureyê cinîyan nîyo. Seba ke ma paştî bide têkoşînê ke cinîyê serkêşîya ci kenê mi pîya bi embazê xo yê hucre Dr. Selçuk Mizrakliyî ewro gijikê xo qesna. Heme zordarîye û zulmî do bi xoverdayîşê şarî birijîyê. Xoverdayoxan rê hezar selamî. Ma Masa Amînî rê humayî ra rehmet keyeyê ci  û şarê xo rê serweşîye û sabir wazen; pîya bi selamanê xo hîsanê xo yê paştdayîşî şawenê.’’