30ê temmuza 2021î de qezaya Meramî ya Konya de hêrişê nîjadperestî de 7 ferdê keyeyê Dedeogullariyî ameybî qetilkerdene.  

Derheqê avûkatê Keyeyê Dedeogullariyî Abdurrahman Karabulutî de hetê Serdozgerîya Komare ya Konya ra vilakerdişanê ci yê twitter û eşkerayîyanê serê dewa ra 3 tehqîqatê cîyayî ameyî akerdene. Tehqîqatan de vateyê Karabulutî sey sûcî dîyayî.

Karabulutî çarçewa tehqîqatî de îfade da. Karabulutî da zanayene ke eşkerayîyê ey bi belgeyan sabît ê û vat: ''Mi sey avûkatê keyeyî 17ê hezîrana 2021î û 17ê temmuza 2021î de dozgerîye ra waşt ke keye bêro pawitene. Dewlete û selahîyetdaranê dewlete, waştişê ma pêroyînan bêcewab verdayî. Mi derheqê nê binpaykerdişan de derheqê selahîyetdaran de gerre kerd. Dewlete mesuldara nê qirkerdişî ya.''

Karabulutî pare kerd ke wexto ke çarçewa tehqîqatî de îfade da, sûcdarîyî red kerdî.