Derheqê Vervatoxa verêne ya Têgêrayîşê Cinîyan ê Azadan (TJA) de bi îdîayanê 'endamî û îdarekarîya rêxistine' dewa amebî akerdene. Roniştişo 22. yê dewa 13ê êlule de Mehkemeya Cezaya Girane ya Amedî de amebi kerdene.

Polîsan wextê roniştişî de hêrişê avûkatan kerdbi û serekê mehkeme salone ra avûkatî vetbî. Avûkatan naye ser o gerreyê heyetê mehkeme û polîsan Heyetê Hakîman û Dozgeran (HSK) kerdbi. Ayşe Gokkan zî nê kerdişan û binpaykerdişanê heqanê tepişteyan ser o Serdozgerîya Komare ya Amedî rê waştişnameyêk dabi.

Derheqê Vervatoxa verêne ya TJA Ayşe Gokkan de semedê waştişnameyê xo tehqîqatê dîsîplînî dîya destpêkerdene.