Derheqê Hemserekannê Pêroyîyan ê HDPyî Sezaî Temellîyî û Pervîne Buldan de seba qiseykerdişê înan o ke 3ê teşrîna peyêne de Kongreya Nizamîye ya HDPyî ya 3.e ya Îstanbulî de kerdibi, bi îdîaya 'propagandakerdişê rêxistine' tehqîqat ame despêkerdene.

Dosyaya ke derhêqê Buldane û Temellîyî de çarçewa tehqîqatî de ke hetê Serdozgerîya Komare ya Îstanbulî ra amebî destpêkerdene, ameye erşawitene Serdozgerîya Komare ya Anqara. Temellîyî nêrazîbîyayîşê xo mojna û vat: "Ma do vatişê rastîye dewam bikê.  Ma ke gamêke bierzê tehqîqat yeno akerdene. No tehqîqat gefêk o ke seba ke ma vengê xo nêvejê. Çarçewa tehqîqatî de çîyêk çin o ke bibo babeta hukmî. Se beno wa bibo ma do dewam bikê ke bibê vengê rastîye."

Çarçewa tehqîqatî de 8 kesî ameyî destbendkerdene û kesêkî ra zî yeno gêrayene.